BUTUAN CITY – Nasakit na og malaria ang kadaghanan sa mga Filipino seafarers nga bihag sa mga rebeldeng Houthi sa Red Sea.
Kini ang gikumpirma ni Presidential Communications Office (PCO) Secretary Cheloy Garafil dayong butyag nga padayon ang pakig-alayon sa Pilipinas ngadto sa gobyerno sa Yemen aron hatagan og medical assistance ang mga Pinoy crew members sa MV Galaxy Leader.
Sigon ni Garafil, gilihok na usab sa gobyerno ang pagbuhi na sa mga Pinoy tungod sa humanitarian reasons.
Sigon ni Honorary Consul to Yemen Mohammad Saleh Al-Jamal, nangayo na siya og tabang sa Sana’a authorities alang sa pagbuhi sa mga tripolanteng Pinoy tungod sa nagkagrabeng kondisyon sa ilang panglawas.
Gipadayag usab sa gobyerno sa Sana’a, nga mutabang sila pinaagi sa pagpadala og mga doktor ngadto sa barko aron muhatag og bisan unsa mang medical procedures nga kinahanglan sa mga crews.
Ang Sana’a nga maoy ang pinakadakong siyudad sa Yemen maoy duna’y kagahom sa mga rebeldeng Houthis.
