BUTUAN CITY – Mi-abot na sa 20 ka mga atleta sa nasud ang mu-apil sa 2024 Paris Olympics.
Sigon ni Philippine Olympic Committee president Abraham “Bambol” Tolentino.
Kini human nadugang ang mga swimmers nga sila Kayla Sanchez ug Jarold Hatch, apil na ang judoka nga si Kiyomi Watanabe ug mga babayeng golfers nga sila Bianca Pagdanganan ug Dottie Ardina.
Si Hatch, mi-qualify sa men’s 100 meter butterfly samtang si Sanchez nga kanhi Canadian ug naghulip og nationality niadtong tuig 2021 sa pagka-Filipino, maoy mu-away sa women’s 100 meter freestyle.
Samtang si Watanab, ikaduha nang mu-apil sa Olympics human nakasulod sa continental qualification sa women’s 63 kgs.
Mao usab si Pagdanganan nga ikaduha na usab ang pag-apil sa Olympics game samtang first timer pa, si Ardina.
Tungod niini, nalabwan na sa nasud ang delegado nga gipadala niadtong Tokyo Olympics nga anaa lang sa 19 ug gila-umang madugangan pa kini samtang nagkaduol na ang torneo.
Apil na niini si world number 2 pole vaulter Ernest John Obiena kinsa padayon pa sa iyang qualifying events. Una nang nag-qualify sila weightlifters Vanessa Sarno, John Febuar Ceniza ug Elreen Ando; boxers Aira Villegas, Hergie Bacyadan, Carlo Paalam, Nesthy Petecio ug Eumir Felix Marcial; rower Joanie Delgaco; fencer Samantha Catantan; ug gymnasts nga sila Carlos Yulo, Emma Malabuyo ug Levi Ruivivar.
Atua na sa Metz, France ang pipila ka mga atletang Pinoy alang sa ilang training pila ka semana adiser ang pagsugod sa Olympics.
