BUTUAN CITY – Giklaro sa kadumalahan sa Philippine Red Cross nga wala lang nakatutokang ilang rescue operation diha sa mga tawo nga na-igo sa bagyong Kristine kondili apil na sa mga binuhing kahayupan sama sa mga iro nga nabuwag usab sa ilang mga amo nga namakwilt.
Kini human nga sa kamulo nila sa ilang rescue operations sa Camarines Sur, nakita nila ang pipila ka mga iro nga anaa sa atop sa mga balay nga nabahaan ug daw gigutom. Namatikdan usab nga anaa lang sa ilang kilid ang usa ka sako sa pet food ug duna pa’y bottled water apan wala magamit tungod kay dili man lage makamaong mu-abli.
Dihang nakita kini sa mga volunteers, wala’y kahadlok ang usa nga mikatkat ug gibahugan sila ug gipa-inom kondiin makita sa mga iro ang ilang kalipay nga gi-rescue sila tungod sa pagwara-wara sa ilang mga ikog.
Makita usab sa video ug hulagway nga miduol sila sa rescuer nga daw nagpasalamat. Tungod niini, mi-apela dili lang ang mga tagaRed Cross kondili apil na ang mga pet lovers nga buhian na lang ang ilang iro kung dili nila ubanan paghikling aron dili mamatay.
