BUTUAN CITY – Gikumpirma ni Armed Forces of the Philippines kon AFP chief of staff Gen. Romeo Brawner nga temporaryo unang alisdan ang mga existing military personnel nga naka deploy sa ilalom sa Vice President Security and Protection Group (VPSPG).
Lakip sa alisdan ang kasamtang commander nga si Col. Raymond Dante Lachica. Sigon ni Brawner nga alisdan sila sa contingent gikan sa AFP ug PNP.
Pasabot pa ni Brawner nga ang hinungdan sa pag-pull-out sa tibook puwersa nga nag-atiman sa Besi Presidente tungod kay nakadawat sila og subpoena gikan sa PNP nga ipailalom sa imbestigasyon ang mga personahe sa Vice President Security and Protection Group.
Gisiguro usab ni Brawner nga dili nila pasagdan nga walay security si Vice President Sara Duterte.
Gihimakak usab ni Brawner nga ang gihimong pag-take over sa Vice President Security and Protection Group tungod sa kagubot karun tali sa duha ka pinakataas nga tawo sa Pilipinas.
Sumala pa niini nga walay kalabutan ang armadong kusog sa pilipinas sa hisgutanang pulitika. Magpabilin gihapon sa pagdumala sa Presidential Security Command ang Vice President Security and Protection Group.
Samtang gi-estorya usab ni Brawner ang tibook puwersa sa kasundaluhan og gipahinumduman sa gipanumpaan nilang trabaho nga pagprotekta sa balaod ug sa katawhang filipino.
