BUTUAN CITY – Gikumpirma sa Caraga Regional Hospital sa Surigao City nga pipila sa ilang mga health care workers nga nadestino sa Pediatric Ward, Pediatric Intensive Care Unit kon PICU ug Neonatal Intensive Care Unit kon NICU ang nagpositibo sa covid 19.
Tungod niini, nagdesisyon ang kadumalahan sa maong ospital nga ipa-ilalom sa lockdown ang mga nasangpit nga mga areas alang sa himoong disinfection ug i-isolate usab o i-kwarantina ang mga apektadong indibidwal aron mahatagan sa saktong pag-atiman.
Tungod usab niini, wala usa’y dawatong hospital admission alang sa pediatric ug obstetric care ug i-forward ang triaging sa mga pasyente ngadto sa ubang healthcare facilities.
Subay niini, mihangyo ang kadumalahan sa maong ospital sa lalom nga pagsabot ug kooperasyon sa tanan alayon na sa maong nahitabo isip pag obserbar sa health protocols.
