BUTUAN CITY – Inanay na karong misikat sa online world si Brenda Delgado, usa ka self-taught artist gikan sa Manila, pinaagi sa pagpinta sa mga patay ng ok-ok ngadto sa mga miniature artworks nga gi-inspire pinaagi sa mga classics sama sa Starry Night o kaha Girl With a Pearl Earring.
Kung hisgutan ang pinasahing art mediums, lisod pangitaon ang pinasahing gipili nga canvass ni Brenda Delgado, residente sa Caloocan City sa Manila tungod sa iyang ideya pag-paint sa mga patay nang ok-ok. Nagsugod ang tanan dihang gipangsilhig ni Brenda ang mga patay ng ok-ok diha sa iyang working space.
Nakita niyang sinaw kaayo ug humok ang pako sa mga ok-ok rason nga mihunong siya ug nahuna-hunaan ang pag-paint sa mga niini. Nagsugod siya paggamit og oil paints aron ma-recreate ang mga gagmay’ng bersyon sa classic masterpieces sama sa Starry Night ni Van Gogh o kaha Girl With a Pearl Earring ni Vermeer.
Ang unconventional paintings ni Brenda, mi-ani na og managlahing reaksyon sa social media, kondiin pipila sa mga social media users midayeg sa iyang originality, samtang ang uban, mi-akusa kaniya og animal cruelty, bisan og patay na dihang napalgan ang mga ok-ok.
Duna lama’y 300 ka mga followers sa Instagram si Brenda sa pagkutlo niini nga balita apan inanay na siyang nagsubay sa dalan padulong ngadto sa online artistic stardom, tungod sa iyang gipiling medium.
