BUTUAN CITY-Nangawas sa balay tambalanan ang mga pasyente sa MJ Santos Hospital kagabie sadihang ning igo sa dakbayan sa Butuan ang magnitude 7.4 nga linog kansa mao usay hinungdan nga ning ulbo ang kalayo sulod mismo sa nasangpit nga Hospital diin dali ra nga napalong sa mga bombero ug wala na ning dako pa.
Sumala sa mga kaubanan sa mga pasyente nga ana sa gawas nag bantay sa ilahang mga masakiton nga pamilya nga dili matud pa mabangbang ang ilahang kakulba sa dihang ning igo ang nasangpit nga linog.
Dali usab nga gipahikling sa mga tigdumala sa maong balay tambalanan ang mga pasyente, diin temporaryo una nga nagpahulay sa gawas nga bahin sa nasangpit nga Hospital, lakip sa mga gipang hikling ang mga tigulang, mga bag-ong nanganak ignon man mga kabataan. Sa kasamtangan, wala man usay kinabuhi nga gikatahong nadamyos sa maong hospital tungod sa maong panghitabo.
