BUTUAN CITY – Padayon pang nasinatian sa Surigao City ug mga lungsod sa Surigao del Norte ang daot nga panahon tungod sa bagyong Kristine.
Sumala ni Roy Christopher Orillaneda, Officer in Charge sa Coast Guard Mobile sa Surigao City, epektibo pa gihapon ang sea travel advisory number 2 sa Coast Guard District Northeastern Mindanao kansa nagdili sa tanang mga sakyanang pandagat, madagko man o ma gagmay, paglawig sa kadagatan.
Lakip sa mga gibawalan ang mga lantsa, rason nga hangtud ning mga taknaa daghan pa gihapon ang stranded nga mga pasahero sa mga pantalan. Sigon sa opisyal, dunay mga na-standed nga 257 ka mga pasahero sa Lipata Port ug sa Surigao base port.
Naka-heightened alert status pa gihapon ang ilang mga personahe alang sa mga mu-abot unya nga emerhensiya samtang wala pa gilibkas ang maong travel advisory.
Ang pamahayag ni Roy Christopher Orillaneda sa pakighinabi ning sibyahan.
Giklaro usab sa opisyal nga dagko pa gihapon ang mga balod sa kadagatan sa Surigao, ug padayon ang pag- ulan hinungdan sa poor visibility kung anaa sa dagat, rason nga wala nila gitugot nga makalawig ang bisan unsa mang sakyanang pandagat.
