BUTUAN CITY- Gi-abiabi sa Cabadbaran City government sa lalawigan sa Agusan del Norte ang mga partisipante sa tulo ka adlaw nga Philippine Experience Program kon PEP: Culture, Heritage and Arts Caravan sa Caraga Region ug gidala sila sa Puting Bato viewing deck diin gipakita nga artisan ang ilang kahanas ug arte sama sa Suyam kansa sikat nga Manobo beads-making, abaca weaving, basket-making, ug Calo candles making.
Gipakita usab ang mga produkto sa Suyam sa Hininang Tu, kauban ang uban pang mga lokal nga produkto sa nasangpit nga dakbayan.
Gidayeg sa mga bisita gikan sa Department of Tourism kon DOT pagpanguna ni Tourism Secretary Christina Garcia Frasco ang lokal nga kultura sa syudad.
Ang PEP nag-highlight sa abundang cultural heritage sa rehiyon nga nag-feature sa mga probinsya sa Agusan del Norte ug Agusan del Sur, lakip na sa mga siyudad sa Butuan, Cabadbaran ug Bayugan.
Usa kini sa mga flagship programs sa maong departamento nga nagtinguha pag-showcase sa abundang cultural heritage, mga nindot nga landscapes, ug buhi nga mga local traditions sa managlahing rehiyon sa nasud ngadto sa usa ka diverse group sa mga local ug international delegates.
