BUTUAN CITY – Giklaro sa Duterte administrasyon nga sa pagpirma na ni Pangulong Rodrigo Duterte sa Republic Act No. 10932 kon Anti-Hospital Deposit Law, madisiplina na unya ang mga ospital sa nasud nga dili mu-atiman sa mga muduol kanilang pasyente kung wala’y matunol nga down payment ilabina kadtong duna’y grabeng balatian.
Ang maong balaud duna’y ipahamtang nga bug-at nga silot sa mga ospital nga mubalibad pag-atiman sa pasyenteng wala’y ihatag nga down payment.
Sigon ni Senate Committee on Health chairman Senador Bong Go, mahinungdanon ug importante kini karong panahon sa pandemya ilabina nga daghan ang gipangdala sa ospital tungod sa COVID-19.
Sigon ni Go, tungod sa maong balaud, wala na’y rason ang mga ospital nga dili dawaton ang mga pasyenteng seryuso ang balatian tungod kay pahamtangan sila og silot.
Ang mga musupak sa balaud, bilangguon og dili mu-ubos sa unom ka buwan og usa ka adlaw apan dii mulapas sa duha ka tuig ug 4 ka mga buwan gawas pa sa multang sien-mil pesos sa unang kalapasan.
