-- ADVERTISEMENT --
BUTUAN CITY – Nangayo na og dispensa ang mga organizers sa Paris Olympics human ang parody sa “The Last Supper” ni Leonardo da Vinci niadtong opening ceremony.
Nasayrang gikondena ug gibatikos kini sa Simbahang Katoliko apil na sa mga Christian groups tungod kay pagbinastos matud pa ang gihimo sa mga drag artists ug dancers sa “The Last Supper”.
Sigon ni Thomas Jolly, ang director sa opening ceremony, dili gyod ang “The Last Supper” ang gipakita sa eksena tungod kay kalabot kini sa Greek God nga si Dionysus kinsa mi-abot sa kan-anan aron musalmot sa kasadya.
Gihimo matud pa ang nasangpit nga ideya aron muhimo og kasadya sa pagan party nga gilambigit sa God of Mount Olympus.
