BUTUAN CITY – Ningdangup sa Bombo Radyo Butuan ang ubay-ubay ka mga Overseas Filipino Workers (OFW) sa Israel ingon man sa ubang nasod nga mga nabiktima sa Unify Investment company human nadagit gikan kanila ang dakong kantidad sa nagpa-ilang Chief Executive Officer (CEO) sa nasangpit nga kompanya nga si Raymond Sombrero.
Sumala ni Irene Repuela Torres, OFW sa Israel, kalit na lamang nilang dili na ma-contact si Sombrero human kini nakipag-zoom meeting kanila. Gibana-banang P3.3 billion ang natangag sa maong kompanya gikan sa mga nabiktima niini.
Sumala ni Torres, ningkabat sa 100-mil Pesos ang natangag sa maong investment company gikan kaniya apan mas nasagmuyo kini tungod kay duna matud pa siyay na-agni pagpasulod nga mas dako pa ang gi-invest kaysa iya ug na-apil katangag sa mga scammers.
Una na matud pa siyang naka pay-out og katunga sa gipuhunan niini sa dali lang nga panahon, rason nga gibalik pa niya ang iyang nakobra, ug gidugangan pa tungod sa kapaspas sa sistima sa maong kompanya rason nga nang-invite pa siya og iyahang mga higala.
Sasysay sa uban pang mga nabiktima nga anaa matud pa sa kapin-kon kulang P3.3 billion ang natangag sa maong kompanya gikan sa mga nabiktima niini.
Sa pikas bahin, gisaysay usab ni Honey Leon, usa sa mga nabiktma sa nasangpit nga investment company nga dako matud pa ang iyahang pagmahay tungod kay daghan matud pang naainganyo nga mo sulod sa maong scamming company tungod sa pagpasundayag niini sa nadawat niyang pay-out. Apan asuy niini nga naabtan pa og duha ka bulan adiser siya nang invite, kini tungod kay dili na niya maagwata og gusto na matud pa niyang maka tabang sa uban, ilabi na nga sa iyahang kasinatian, paspas raman ang pagkadawat niya sa pay-out.
Dugang niini nga mas maka inganyo pa alang kanilang mga membro ug sa mga wala pa nakapamembro ang maong kumpanya tungod kay duna pay pabillboard ang CEO niini nga si Raymond sa may Tandang Sora, Commonwealth sa Quezon City.
Alayon niini, anaa matud pa sa kapin 30-mil ka mga tawo ang kinatibuk-ang nangapil sa maong investment, diin sa ilahang bana-bana, anaa matud pa sa P3.3 Billiones ang natangag gikan kanila sa nahisgutang kompanya.
Sumala pa ni Leon nga sa kasamtangan, ning kabat na matud pa og 200 ka mga group chats sa Facebook messenger ang mga nabiktima sa maong investment tungod kay dili naman sila masigo sa usa lang sa group-chatan.
Alayon niini, daghan pang uban ang mga nakahinabi ning sibyahan nga sobra ka dismayado tungod sa ilahang nasinatian, usa na niini si Kyhsandara Magallanes nga taga Cebu, kansa bisan kon wala pa naka sulay og pay-out sa gihulog niining P60,000.00, gi-agni na niini ang iyahang pamilya, kansa nakahulog usab og anaa sa kinatibuk-ang P30,000.00.
Sa kasamtangan, padayon pa ang panawagan sa maong mga indibidwal ngadto sa CEO sa Unify nga bisan man lamang matud pa og mabalik kanila ang ilahang puhonan, tungod kay dunay uban nga nangutang pa para lang maka invest sa maong kumpanya.
