BUTUAN CITY – Gihagit ni Julieto Canoy nga nailang alyas Ka Boom nga magpagawas og pamahayag sa kahanginan si Maria Malaya o Myrna Sularte sa tinood nga kinabuhi aron pamatud-ang dili tinood ang balitang kini napatay sa dakong engkuwentro sa Andap Valley Complex sa Surigao Del Sur sa nakalabay nga semana.
Sumala pa ni Ka Boom kansa kapin 30 ka tuig nga rebelde adiser mitahan sa gobyerno og karun tigpamaba na sa 402nd Brigade, Philippine Army, kung buhi pa si Maria Malaya, kinahanglan siyang magpagawas og pamahayag.
Samtang gipahayag usab ni Datu Marcos Bucales, Indigenous Peoples’ Mandatory Representative kon IPMR sa Lianga, Surigao Del Sur nga base sa impormasyong gipaabot ngadto kaniya, napatay na matud pa si Maria Malaya apan lisud kini nga makumpirma hangtud nga dili makita ang patay’ng lawas niini o kaha ang iyang lubong.
Nasayran nga si Alyas Maria Malaya nga dunay patong sa ulo nga 5.4 milyones pesos, gitoohang lakip sa mga tag-as nga opisyal sa NPA nga napatay, base na usab sa pamahayag CMO Officer sa 401st Brigade Philippine Army.
