Butuan City-Gikalipay sa mga netizens ang daw pag-baskog na ni Queen of All Media Kris Aquino. Kini human nakita sa mga netizens ang uploaded video ni San Fernando, Pampanga Mayor Vilma Caluag nga daw malipayon ug abtik na usab si Kris.
Ang maong video kuha niadto pang Abril 19, atul sa ika 17 nga adlawng natawhan sa anak ni Kris nga si Bimby. Makita sa nasangpit nga video nga nagdinasigay ang managhigala pinaagi sa pagbasa sa nakapatik sa long sleeve ni Kris nga “You deserve to be Happy”.
Gisundan kini ni Kris og mga pagpasalamat sa iyang ‘higala’ nga si Mayor Caluag, kansa nakaila niini hapit tuig na ang naka labay.
Mabasa sa comment section ang mga positibong panlantaw sa mga netizens sa panlawas ni Kris.
Dunay nalipay kay nahimo na matud panni Kris nga mo katawa. Duna usay nalipay tungod kay lagsik naman ang panlawas ni Kris tan-awon kon itandi sa lawas niini niadtung mga nakalabayng bulan.
Kahinumduman nga sa birthday message ni Kris sa Instagram ngadto kang Bimby, nangayo kini og pasaylo tungod kay nagpakita matud pa siya og kahuyang niadtung mga panahon nganabati niini nga dili na siya moabot sa ika 18 nga adlawng natawhan ni Bimby.
Kahibaloang duna nay lima ka auto-immune disease si Kris nga gipakig-tigian niini hangtud sa kasamtangan sa UCLA Medical Center, Los Angeles sukad niadtung tuig 2022.
