BUTUAN CITY – Gibutyag sa usa ka negosyante sa Barangay Masao ning dakbayan sa Butuan nga dako sila ug lugi tungod sa fecal coliform sa ilang baybayon.
Sumala ni Joseph Trugillo, nabuhi lamang sila sa ilang mga customer nga mangaligo og dagat apan tungod sa fecal coliform, gamay na lang ang mangdayo sa ilang lugar.
Sumala pa niini, anaa sa 60 ngadto sa 65% ang nawala sa ilang icome matag-adlaw tungod sa maong issue.
Sintimento sa maong negosyante, kung duna man gani fecal coliform sa ilang kabaybayonan, nagtuo siya nga dile lang kay sa Masao ra kini.
Dugang pa niini nga duna pa gihapoy ginagmay nga mga mangadto sa ilang mga beaches tungod kay nakita sa mga niini nga mas limpyo pa ang hitsura sa ilang baybayyon kung i kumpara sa uban.
Gani bisan pa man kung taob o hunas, anaa gihapoy current ang ilang tubig, nagpasabot nga walay stagnant nga tubig sa ilahang baybayon.
