BUTUAN CITY – Puros mga informal settlers ang 13 ka mga panimalay nga nasunog kagahapong adlawa sa may Purok 3, Brgy. Upper Doongan ning siyudad sa Butuan. Sa pagkumperma ni Kapitan Bert Enriquez, ang Kapitan sa nasangpit nga Baranggay nga anaa matud pa sa kinatibuk-ang 113 ka mga panimalay ang matawag nga informal settlers sa ilahang lugar, sanglit na-igo man sa yuta nga gamiton alang sa Center of Excellence North Campus diin mo kabat sa 8 ngadto sa 10 ka ektarya ang magamit.
Kahibaloan nga una nang gisang-at sa Barangay ngadto sa lokal nga pangamhanan sa Butuan sa unang yugto ning tuiga nga ang taho alang sa pagpabalhin sa nasangpit nga mga pamilya sa ilahang relocation site, lakip gikameeting na sa Barangay mao ang mga buhatan sa Department of Environment and Natural Resources kon DENR, ingon ang City Environment and Natural Resources Office sa pagpanguna ni Atty. Ian Sabado, ang city administrator sa dakbayan. A
layon niini, gikabutyag usab sa kapitan nga sa kasamtangan, mamahimo pa gihapon nga makabalik ang nasangpit nga mga pamilya sa ilahang nasunugang panimalay, basta lang kay dili permanent structure ang itukod sa mga niini, tungod kay sa kasamtangan, naghulat nalang man pod sila sa pinal nga relocation site nga ihatag sa LGU Butuan.
Ang pamahayag ni Kapitan Bert Enriquez. Sa kasamtangan, natunolan na ang nasangpit nga mga nasunugan og mga pasiunang tabang sa Baranggay.
