BUTUAN CITY – Ipasusi sa Department of Justice ang narekober nga usa ka sakong mga bukog sa gituohang missing nga mga sabungeros kagahapon sa hapon, sa mabaw nga bahin sa Taal Lake, sa may Laurel, Batangas.
Narekober ang maong mga bukog atul sa gihimong surface assessment sa Philippine Coast Guard kon PCG. Sumala ni PBGen. Jack Wanky, Acting Regional Director ng Police Regional Office 4-A, nakuha ang sunog na nga maong mga bukog, sa lugar nga gisaysay ni Julie “Dondon” Patidongan, alyas “Totoy” nga maoy gidalhan sa mga missing nga mga sabungeros.
Subay usab sa Department of Justice (DOJ), ipailawom pa sa DNA testing ang nasangpit nga mga bukog aron masuta kung mag-match kini sa mga nawala nga indibidwal. Sigon ni Commodore Geronimo Tuvilla, ang District Commander sa PCG Southern Tagalog, lakip sa ilang gi-assess ang mga kahimanang gamiton sa mga otoridad sa himoong search karong adlawa.
Sumala usab ni Department of Justice spokesperson Atty. Miko Clavano, magpadayon ang pagpasaka nila og kaso batuk sa mga gitumbok nga nalambigit sa pagkawala sa mga sabungero. Kini bisan pa man og duna o kaha wala’y makitang mga bukog sa mga nawalang sabungeros.
