BUTUAN CITY – Hingpit nang naproklama ning hapuna lang, sa National Board of Canvassers pagpanguna ni Commission on Elections kon COMELEC chairman George Erwin Garcia, ang nangdaug nga 12 ka mga senador. Unang giproklama ang ika-12 sa senatorial race pinaagi ni re-elected Senator Maria Imelda ‘Imee’ Marcos kinsa nagpasalamat kang kanhi Pangulong Rodrigo Duterte ug sa anak niining si Vice President Sara Duterte, sa pagsuporta sa iyang kandidatura.
Nasayrang ang mga Duterte, hugot nga ka-atbang sa administrasyon sa iyang manghod nga si Pangulong Ferdinand ‘Bongbong’ Marcos Jr.
Nagsunod kaniya sila Senador Lito Lapid, Camille Villar, Pia Cayetano, Vicente ‘Tito’ Sotto III, Panfilo Lacson, Rodante Marcoleta, samtang wala makatunga ang nagsunod kaniyang si Francisco ‘Kiko’ Pangilinan tungod kay atua kini sa Estados Unidos, mitambong sa graduation ceremony sa ilang anak ni Sharon Cuneta-Pangilinan.
Sunod nga giproklama sila Erwin Tulfo, Ronald ‘Bato’ de la Rosa, Bam Aquino ug Christopher ‘Bong’ Go.
