-- ADVERTISEMENT --

BUTUAN CITY – Gibutyag ni Department of Justice Secretary Jesus Crispin Remulla nga posibleng adunay kalabotan ang nahitabong war on drugs sa kaso sa pagkawala sa mga biktimang sabungero.

Sumala sa kalihim, ila karong nakita ang koneksyon sa duha ka insidente human nasikop ang duha ka suspek sa Meycauayan, Bulacan nga nalambigit sa ilegal nga drugas nga duna’y kutay usab sa operasyon sa e-sabong.

Apan gi-angkon usab ni Remulla nga dunay problema ang maong kaso tungod kay adunay recantation sa pipila ka mga indibidwal nga ilang naka-istorya. Ang pipila matud pa ka  mga suspek, mitestigo na sa pagdungog nga gipatawag sa komite nga gikuptan ni Senador Ronald ‘Bato’ de la Rosa.

Gipadayag usab ni  Secretary Remulla nga bisan ang death squad sa ‘war on drugs, nakita nilang konektado sa pagpatay sa mga missing sabangeros.

Kini tungod kay ang pipila ka mga indibidwal nga duna’y kalabutan sa pagpatay sa drug war, mao usab matud pa ang mipatay sa mga tawong nalambigit sa e-sabong.

-- ADVERTISEMENT --