BUTUAN CITY – Mingkuyanap online ang gihimo sa usa ka lalaki sa iyang lawas, human niini gipa-tattoo-an ang iyang dughan padulong sa tiyan sa iyang mga sala nga nahimo sa iyang minahal sa kinabuhi ilabina ang pagpanapaw aron makuha og balik ang gugma sa iyang asawa.
Naila ang maong lalaki nga si Jose Torres nga gikan sa Spain kansa maoy labing ginahisgutan, gilibak ug gitamay sa mga netizens human ang nikatap sa internet ang iyang dagway diin makita ang listahan sa iyang mga sala batok sa iyang asawa nga iyang gipa-tattoo sa iyang lawas nga iyang nahimo niadto pang Enero 2019.
Lakip sa nasangpit nga tattoo ang iyang mensahe ngadto sa iyang asawa, iyang tibuok pangalan, petsa, ug ang maka-uulaw nga listahan sa iyang mga sala.
Gituyo matud pa kini ni Torres aron ipakita kung unsa siya ka sinsero sa pagpangayo og pasaylo sa tanan niyang emosyonal nga kasakit nga nahimo sa iyang asawa ug aron mabalik ang pagsalig ngadto kaniya bisan og lima ka tuig na niya kining gimahayan.
