BUTUAN CITY – Nag-anam-anam na kadaghan ang nagparehistro nga mga botante karon sa Commission on Election kon COMELEC-Caraga Region alang sa umalabot nga May 25 midterm election.
Gibutyag ni Atty. Francisco Pobe, ang Regional Director sa COMELEC-Caraga, tungod kini sa ilang mga inisyatiba paglusad og satellite registration.
Nabag-o na matud pa ang timpla sa mga Caraganons karon tungod kay daghan na ang mga nakaparehistro og sayo, sukwahi sa na-andang Filipino time nga adiser ra magpunsisok sa panahon nga sirad-an na ang rehistrasyon.
Dugang sa opisyal, naningkamot ang ilang buhatan sa paghatag og serbisyo sa kabaranggayan, sa syudad man o sa mga lagyong munisipalidad arun dali ra alang sa mga bulnerableng sektor ang pagparehistro aron sila makabotar.
