BUTUAN CITY – Nagkataas pa ang ihap sa mga tawong nakasupak sa gipatuman nga localized community quarantine sa siyudad sa Butuan.
Sigon ni Police Major Rennel Serrano, regional information officer sa Police Regional Office kon PRO-13, sukad niadtong Marso 17 ngadto sa Marso 29, miabot na sa 836 ang ihap sa mga nadakpan nga gilangkuban sa 551 sa nakalapas sa curfew, 61 ang misukol sa otoridad og 137 sa social distancing.
Sumala pa ni Police Major Serrano sa eksklusibong pakighinabi sa Bombo Radyo Butuan, seguradong napahibalo na ang mga nadakpan sa daghang mga bawal karun nga gipatuman tungod kay mismong ang barangay officials ang gitahasan nga magrekorida alang niini.
Gipaabot nalang sa opisyal ang pamahayag ni Police Regional Office kon PRO-13 director Joselito Esquivel, Jr, nga kinahanglang ang disiplina og kooperasyon sa tanan batuk ning dili makita nga kaaway.
Ugaling mapakyas sa pagsunod niini, ang kapulisan seryoso sa pagpahamtang og silot ilabina diha sa quarantine control points alang sa kaluwasan sa publiko batuk sa coronavirus disease 2019 kon COVID-1
