BUTUAN CITY – Personal nga gibisita ni Armed Forces of the Philippines kon AFP Chief of Staff General Romeo Brawner Jr. ang mga sundalo nga naka-detail sa BRP Sierra Madre sa may Ayungin Shoal sa West Philippine Sea.
Ka-uban ang Bombo Radyo reporter nga si Bombo Marlene Padiernos, apil sa gibisita sa heneral ang mga sundalong na-angol sa pinaka-ulahing pagpang-harass sa mga sakop sa China Coast Guard atol sa ilang resupply mission.
Naka-angkon og samad sa nagkada-iyang parte sa lawas ang tulo ka mga sundalong nabiktima sa gihimong water cannon sa China kondiin ang usa kanila, gitaho og 13 ka higayon sa nawong tungod sa dakong samad nga na-angon.
Sa eksklusibong pakighinabi sa Bombo Radyo Philippines, gipadayag ni General Brawner nga tungod sa kakusog sa impact sa water cannon, ang usa sa mga biktima nalagpot hinungdan sa pagkasamad sa iyang ulo kansa gikumpirma usab sa biktimang sundalo.
