BUTUAN CITY – Gitawag ni kanhi Pangulong Rodrigo Duterte nga mga buang ang milangkob sa House Quad Committee tungod sa pagbirada kaniya nga talawan matud pa siya human wala mutambong sa ilang ikanapulo nga pagdungog sa war on drugs nga miresulta matud pa sa extra judicial killings kon EJK.
Una nang gipadayag ni over-all chairman Robert Ace Barbers nga tinguha lang sa komite nga mahatagan og hustisya ang kabanay sa mga nabiktima sa maong kampanay dayong padayag sa kadismaya ug kasuko.
Dinhi usab sila gibirahan sa kanhi presidente ug gitawag pang mga buang dayong butyag nga pangsipa-on niya tungod sa kawala matud pa’y utok maghuna-huna nga usa na siya ka ordinaryong tawo nga wala’y ikapamilite aron tambungan ang ilang hearing.
Gawas pa, iya na matud pang giyagyag tanan sa Senate hearing dayong klaro nga wala siya mahadlok sa maong mga kongresista kinsa kutob lang sa Kongreso ang na-abtan.
