BUTUAN CITY – Nabalaka na ang kadaghanang mayor sa tibook nasud human sa sunod-sunod nga pagpatay sa mga alkalde.
Sigon ni Atty. Edmund Abesamis, Secretary General sa Union of Local Authorities of the Philippines kon ULAP, nagkatapok na ang mga mayor og gobernador sa Pilipinas sa Malacañang diin kadaghanan sa mga niini wala malikayang mabalaka sa posibling mahitabo kanila bisan ug wala silay nalapas sa balaod.
Hangyo na lang sa mga niini nga ibalik ang police powers nga kanhe nang gikuha ilabina ngadto sa mga mayor nga na-apil sa narcolist.
Gikumpirma usab ni Atty. Abesamis nga hangyu nilang pasakahan nalang ug kaso ang anaa sa narcolist aron sa ingon makumbinsi ang kadaghanan nga legal nga proseso ang gisunod sa otoridad.
Samtang gipahayag usab sa abogado nga hilabihan ang iyang kakurat sa dihang nabalitaang gipusil si General Tino, Nueva Ecija Mayor Ferdinand Bote nga kasikbit lang sa ilang gipuy-ang lungsod.
Miapela na matud pa sila nga solbaron ang mga pagpatay sa mga mayor sa mas daling panahon aron sa ingon mahatagan na og hustisya ang mga biktima.
Midasig nalang kini sa tanang katawhang Pilipino nga mag-amping sa kanunay og e-ampo ang atong nasud nga Pilipinas.
Mahinumdumang adiser pa gibanhigan-patay si Mayor Bote, gipusil usab si Tanauan City Mayor Antonio Halili atol sa pagtambong niini sa flag ceremony. (Beth Ruiz)
