BUTUAN CITY – Miresulta sa pagkakumpiska sa mga materyales panghimo og bomba ang natigayong engkuwentro sa kasundaluhan og New People’s Army kon NPA sa nakalabay nga gabii sa Sitio Tagbuaya, Bangonay, Jabonga, Agusan del Norte.
Miulbo ang engkuwentro human gisumbong sa mga residente ang nahimutangan sa walhong grupo diin miabot sa 5 minutos ang binayloay og tingga batuk sa gibana-banang 8 ka armado.
Sumala ni 29IB Commanding Officer Col Jason Saldua nga gelayong gilusad nila ang focused military operation diin nakumpiska human sa engkuwentri ang 4 ka kilos nga Ammonium Nitrate ; 100 metros nga solid hawk-up wire; 2 ka book nga Dynamo; 6 metros nga Flat cord wire #18; 5 ka Magnet; 36 ka Battery nga 1.5 volts ug nagkalain-laing suplay sa pagkaon.
Sigon ni Col Saldua nga ang nasangpit nga mga materyales, gamit kini sa paghimo og improvised explosive device kon IED nga padayong gigamit sa kumunistang teroristang grupo bisan pag gibawal kini base sa International Humanitarian Law.
Alayon niini gipasalamatan sa opisyal ang kumunidad tungod sa ilang lig-ong nga suporta sa kampanya nga tuldukan ang insurhensiya sa probinsiya. Subli usab nga gipanawagan ni Col. Saldua ang nagpabilin pang rebelde diha sa kalihukan nga musurender na og mobalik sa kumunidad nga malinawon og malipayon.
Mahimong benipisyaryo usab sila sa Enhanced Comprehensive Local Integration Program kon E-CLIP sa gobyerno.
