BUTUAN CITY – Gibendisyunan sa National Irrigation Administration Region-Caraga ang pipila ka mga heavy equipment adiser kini gi-turn over kansa nakuha ilawom sa ikaduhang tranche sa ilang 3-Year Refleeting Program alang sa tuig 2023 hangtud 2025.
Gilangkuban kini sa usa ka long-arm excavator, 4 ka yunit sa 0.5 cubic excavator, usa ka cubic meter excavator, 2 ka dump trucks ug usa ka prime mover. Kini nga mga units kabahin sa 148 ka buok nga mga equipment nga gi-turn over sa National Irrigation Administration (NIA) pinaagi ni Pangulong Ferdinand Marcos, Jr., niadtong Agusto 07 didto sa Mexico, Pampanga.
Subay kini sa ilang tinguha nga duna’y kasaligang ekwipo ug machinery aron matuman ang ilang mandato ngadto sa mga mag-uuma pinaagi sa distribusyon niini nga mga yunit ngadto sa provincial irrigation management offices (IMOs).
Tumong niini aron mas ma-enhance pa ang operation and maintenance sa mga irrigation projects ning rehiyon nga muresulta unya ngadto sa mas episyenteng water delivery alang sa local irrigation system, ilabina sa canal desilting operations.
