BUTUAN CITY- Wala mapugnge sa mga otoridad ang mga magtutungha nga nagriot taliwala sa gihimong lihok protesta sulod sa usa ka pribadong unibersidad sa Turkey.
Makita sa viral video ang pakiglalis, tinukloday ug pagbuhi sa mga di0angay nga pulong sa mga estudyante batok sa mga pulis kansa igo lang mipatuman og crowd control sa lugar.
Hisayran nga tumong sa protesta ang pagsuporta sa mga kabataan sa Syrian Kurds, kundiin bitbit nila ang mga slogan nga nagkondinar sa ilang gobyerno kung nganong gisalikway ang kalihukan sa mga Syrain Kurds.
Gipasi-ugda sa mga magtutungha sa Dicle University sa Diyarbakır nga dili angayan idamay sa Turkish Operation ang mga Syrian Kurds kansa hapsay nga namuyo sa Aleppo.
Gitin-aw sa mga batan-on nga kinahanglan ang mga ISIS lamang ang dakpon sa mga otoridad ug dili ang mga ordinaryong residente sa Amihanang Syria. Nahuman ang protesta sa pagkasikop sa 25 ka magtutungha.
