BUTUAN CITY – Makapahulay na ang mga magtutudlo sa nasod human nga nagmalampuson sa kinatibuk-an ang moving-up ug graduation ceremonies sa mga pampublikong tunghaan sa tibuok Caraga Region.
Sa eksklusibong pakighinabi ning sibyahan, gibutyag ni Pedro Tecson, tigpamaba sa Department of Education kon DepEd-Caraga, nga malipayon ang tanan human nga hingpit nang mosaka sa laing ang-ang na usab sa pag tungha ang mga estudyante nga nanggradwar ning mga nakalabayng mga adlaw, dugang niini nga gitagamtam usab sa mga estudyante ug mga ginikanan ang kalampusang nakab-ot sa mga magtutungha human nalabangan ang nagkada-iyang hagit sa usa ka tuig nilang pagtungha.
Gila-uman sa opisyal nga natapos na ang tanang tunghaan sa maong mga kalihukan tungod kay wala man sila’y nadawat nga report nga duna’y nag-extend sa moving-up ceremony ug graduation rites.
Gidugang sa opisyal nga tungod kay bakasyon na man, kini ang unang higayon nga ma-enjoy sa mga magutudlo ang ilang absolute vacation tungod kay wala sila hatagi og assignments ug wala usab gi-require nga mu-report sa mga tunghaan hangtud karong Hunyo 30.
