BUTUAN CITY – Mu-abot sa kapin 500 ka mga lumad ang nag-alsa masa batuk sa mga rebeldeng New People’s Army (NPA) sa Tandag City, Surigao Del Sur.
Sigon ni Datu Edwardo Montenegro sa lungsod sa San Miguel, sakop sa maong probinsya, daghan pa untang mga lumad ang gustong musalmot kung wala lang magkulang og mga sakyanan.
Gipasabot pa ni Datu Edwardo nga tumong sa maong kalihukan nga ipanawaganog isinggit aron ihunong na sa NPA ang pagpatay sa ilang kaigsu-unang lumad.
Wala usab gitago sa tribal Chieftain ang mga hulga sa kinabuhing iyang nadawat gikan sa walhong grupo apan andam matud pa siyang mamatay maprotektahan lang ang gipanunod nilang yuta gikan sa ilang katigulangan.
Tungod niini, nanawagan siya kang Pangulong Rodrigo Duterte nga hataga’g pagtagad ang tribal community ingon man proteksyon gikan sa kagubot nga hatud sa NPA. (Melody Valledor)
