BUTUAN CITY– Gi-isa sa Tropical Cyclone Wind Signal number 1 ang 8 ka lugar sa nasud tungod sa bagyong Ada.
Sumala sa datos sa Philippine Atmospheric, Geophysical and Astronomical Services Administration kon PAGASA nakita ang sentro sa bagyo sa adunay 460 kilometers sa Hinatuan, Surigao del Sur.
Aduna kini kusog nga hangin nga moabot sa 45 kilometros matag oras ug pag-haros nga moabot sa 55 kilometros matag oras. Lauman nga posibleng maglandfall ang bagyo ugmang adlawa Biyernes Enero 16 o sa Sabado Enero 17 sa parte sa Eastern Visayas.
Ang mga lugar kung asa gi-isa ang signal number 1 gilangkoban sa Surigao del Sur, Surigao del Norte, Dinagat Islands, Eastern Samar, Samar; Northern Samar; Sorsogon, Rapu-Rapu, Manito ug Legazpi City, Albay. Padayon usab ang pagpasi-daan sa PAGASA sa mga apektadong lugar nga delikado alang sa mga mangisdaay ang paglayag sa dagat.
