BUTUAN CITY- Gidawat ni United States President Donald Trump si Colombian President Gustavo Petro sa White House niadtong Lunes, pipila ka semana human niini gibaharan og aksyong militar.
Gipadayag ni Trump nga si Petro, bisan pa sa padayon nga kritisismo batok sa operasyon sa US sa pagdakop kang Venezuelan President Nicolas Maduro, mas andam na karon nga makig-alayon sa administrasyon sa Amerika aron mapugngan ang pag-awas sa ilegal nga droga gikan sa Colombia.
Gilauman nga ipresentar sa mga opisyal sa Colombia ang detalyado nga datos sa ilang anti-drug operations lakip ang cocaine seizures, samtang sumala sa mga opisyal sa US nga ang miting magpasiugda sa regional security cooperation ug counternarcotics efforts.
Samtang, si Venezuela interim president Delcy Rodriguez naglig-on sa iyang bag-ong gobyerno pinaagi sa pagtudlo og mga bag-ong miyembro sa gabinete ug pakigkita sa bag-ong top diplomat sa Washington sa Caracas aron hisgutan ang “transition” sa nasud human sa pagdakop kang Maduro.
