BUTUAN CITY – Nagsubmite na og action plan ang nagkada-iyang local government units ning rehiyon sa Caraga aron matubag ang posibleng epekto sa El Nino Phenomenon.
Gibasehan sa nasangpit nga action plan ang planong namugna sa Regional Disaster Risk Reducation and Management Council.
Sigon ni Ronald Anthony Briol, tigpamaba sa Office of the Civil Defence kon OCD-Caraga niadto pang 2013 napanglantawan ang nasinatiang kainit sa panahon rasong nagmugna og lima ka sectors nga maoy mohimo og stragetic plan.
Una niini ang Food Security nga gipangunahan sa Department of Agriculture, ang water security nga gipangunahan sa Department of Environment and Natural Resources kon DENR, energy sector nga nahimong lead agency ang Department of Energy, health sector nga gipangunahan sa Department of Health ug public safety nga gipangunahan sa Department of Interior and Local Government kon DILG.
Sumala pa ni Briol nga sa karun, wala pay dakong damyos nga hatud ang kainit sa panahon dinhe sa Caraga rasong wala usay mga state of calamity nga gipatuman dili susama sa ubang lugar.
