BUTUAN CITY – Kinahanglan nga last resort ra ang mga eskwelahan nga himoong evacuation centers sa mga ma-displace nga mga pamilya panahon nga dunay kalamidad, ugaling dili malikayan, kinahanglan nga unahon og okupar ang mga libreng espasyo sa ma sa mga basketball courts.
Kini ang gikabuyag sa Department of Education kon DEPED-Caraga pinaagi sa tigpamaba niini nga si Mr. Pedro Tecson atul sa pakighinabi ning sibyahan sa hisgutanang pagkadisturbo sa mga magtutungha ugaling dunay mga kalamidad, tungod kay ginahimo matud pa ang mga classrooms sa mga eskwelahan nga hiklinganan sa mga bakwit nga pamilya.
Sumala sa maong tigpamaba nga ang nasanpit nga hisgutanan, gisangon na sa ilahang ahensya ngadto sa lokal nga pangamhanan kansa maoy tukmang institusyon nga mangita og pamaagi arung nga mahatagan og insaktong hiklinganan ang mga sibilyan nga mabiktima unya sa umalabot nga daot nga panahon.
Sumala sa taho sa Bombo Weather Center, dunay 14 ngadto sa 16 ka mga bagyo ang giexpectar nga mosulod sa nasod karong katapusang upat ka kwarter ning tuiga.
