BUTUAN CITY- Nagpagawas sa iyang kadismaya si Dale Sarsale human nalakip sa pag-trap sulod sa elevator sa Allied Care Experts Medical Center kon ACE Hospital ning siyudad sa Butuan. Saysay pa ni Sarsale nga halos alas 12:00 sa udtu sa dihang nagpa-check up siya sa iyang inahan diin gikan sa ika-upat nga andana misakay sila sa elevator panaog sa basement.
Anaa sa mga 11 sila nga sakay sa elevator diin sagad mga senior citizen sa dihang nag-malfunction ang elevator diin dili na kini ma-abli pag-abot sa basement. Milungtad matud pa og 8 minutos nga na-trap sila sa elevator diin duna na siya’y kauban nga maglisud na pagginhawa tungod sa kawala nay hangin sa sulod.
Sumala pa ni Sarsale nga dili matud pa mo-function ang emergency button sa maong elevator samtang dili usab ma-contact ang gibutang nga contact number tungod sa kawalay signal. Madungog matud pa nila nga dunay mga nag-atang na usab sa gawas sa elevator. Sigon pa ni Sarsale, tungod sa kahadlok nga dunay mahitabong daotan sa ilaha nga na-trap ilabina sa mga ma-as, gipaningkamutan niyang ituklod ang pultahan sa elevator hangtud nga kini ma-abli.
Sa pagka-abli niini, mirason ang mga empleyado nga wala matud pa ang maintenance sa elevator tungod kay holiday samtang walay maka-atubang usab nga admin didto sa front desk. Samtang ang guwardiya nasuko usab tungod sa pagsaka matud pa sa iyang tingog og gihatagan pa siya og contact number sa taga admin aron iyang tawagan nga nakapasamot sa iyang kadismaya.
Plano niyang mohimo og formal complaint nga ipaabot ngadto sa kadumalahan sa maong hospital karung adlawa
