Mga kinhason ban una sa mga kan-anan sa Lianga, Surigao del Sur tungod sa red tide

BUTUAN CITY – Nagpagawas og kamanduan ang mayor sa lungsod sa Lianga, Surigao del Sur ngadto sa tanang nanag-iya ug nagdumala sa mga kan-anan ug restaurants sa ilang lungsod nga dili magluto ug mag-serve sa tanang klase sa kinhasong gikan sa Lianga Bay.

Kini human nakumpirma nga ang pagkamatay sa magti-ayong Lucia Quiñonez Namoc 55-anyos ug Leonito Cumahig Namoc 58-anyos parehong residente sa Kinayan, sa kasikbit nga lungsod sa Barobo, mugna sa gikaon nilang kinhason nga kontaminado sa red tide toxin.

Sa iyang gipagawas nga notisya, epektibo gilayon ang kamanduan ni Mayor Novelita Sarmen samtang kinahanglan usab nga tangtangan og tinai ug hugasan og maayo ang mga isda, alimango ug nokus nga makuha gikan sa Lianga Bay ug lutuon og maayo.