BUTUAN CITY – Gibasura sa Sandiganbayan Second Division ang kasong kriminal nga gipasaka batuk kang kanhi Surigao del Norte Governor Robert Lyndon Barbers duna’y kalabutan sa pag-purchase sa overpriced nga fertilizer niadtong 2004.
Mahinumdumang duha ka kasong graft og duha ka kasong malversation ang gipasaka batuk kang Barbers tungod sa pag-purchase gikan kang Rosa Mia og 3,332 ka kilong Elements Foliar Fertilizer sa kantidad nga P1,500 matag-kilo.
Iyang gibayaran ang supplier og kinatibuk-ang 4-milyunes, 998-mil pesos bisan og overpriced kini og P1,333.00 matag-kilo.
Sa iyang motion to quash, gipadayag ni Barbers ang paglapas sa iyang katungod alang sa paspas nga disposasyon sa maong mga kaso.
Iya usab nga gipasabot nga duna’y dili masabtang pagdelatar nga gihimo sa fact-finding investigation sa instant criminal cases sa office of the Ombudsman.
Ang office of the Ombudsman nagsugod sa ilang fact-finding investigation sa fertilizer fund scam nga gitawag pa nilang Task Force Abono niadtong 2006, nag-execute og reklamo niadtong Agusto 16, 2010, og nagpasaka og susamang kaso niadtong Mayo 2, 2011.
Tungod niini, gi-grant sa korte ang motion to quash ni Barbers og gimando ang pag-dismiss sa maong mga kaso.
Gimando usab ang pag-release sa iyang 140-mil pesos nga pyansa alang sa iyang temporaryong kagawasan og ang tag-30 mil pesos sa matag-kasong graft ingon man tag-40-mil pesos sa matag-kasong malversation. (Beth Ruiz)
