BUTUAN CITY – Gipa-ila ila na ngadto sa publiko na ang 51 ka mga kandidata sa Miss Universe Philippines 2026 pinaagi sa parada libot sa grounds sa usa ka mall sa Pasay City.
Gisundan kini sa ilang pagrampa atubangan sa media ug mga manan-away sulod sa ballroom sa usa ka inila nga hotel sa Parañaque sul-ob og nagkalain-laing shades sa crimson ug pink. Lakip sa mga mi-apil karong tuiga ang mga beterana ug bag-o pa sa kalibutan sa pageant.
Nakatakda usab ang pipila ka pre-pageant challenges sa Misamis Occidental, Pangasinan, ug sa Boracay.
sa Caraga Region, si Chrystel Mae Correos gikan sa Tandag City, Surigao del Sur ang musulay pagsakmit sa idlas nga korona.
Sa pagkakaron, gihuptan ang titulo sa MUPh 2025 ni Maria Ahtisa Manalo human siya mi-abot lang sa third runner-up nga pwesto sa Miss Universe 2025 nga gipahigayon sa Thailand.
