-- ADVERTISEMENT --
BOMBO BUTUAN – Gitugyan na ni Vice President Sara Duterte ngadto sa Kahitas-an ang iyang mga ka-away. Kini ang mensahe sa besi-presidente sa iyang pagpamulong atol sa pagsa-ulog sa mga membro sa Kingdom of Jesus Christ sa ika-39 nga anibersaryo sa kamugnaan sa ilang pagtuo kagahapong adlawa.
Sigon ni VP Sara, wala pa siya level sa spiritual enlightenment nga anaa na karon sa mga KOJC members nga kayang makapasaylo sa ilang mga kaaway.
Ang kadali matud pa sa mga KOJC members mupasaylo sa ilang mga kaaway, maoy maghatag kanila og kada-ugan. Samtang alang sa iyang kabahinan, gibutyag niini nga bisan og dili niya mapasaylo ang iyang mga kaaway, iya na kining gitugyan ngadto sa Ginoo ug mao na matud pa kini ang bahala kanila.
