BUTUAN CITY – Balik-training karon ang mga ka-ubanang boksidor ni Jordan ‘Tuklaw’ Atlao karong nakabuka na sa iyang mata human ang malampuson niyang operasyon.
Sigon sa iyang coach nga si Noel Yamson Macas, dili nila gustong madismaya si Tuklaw ilabina nga prinsipyo matud pa niini ang ‘train hard and make an easy fight.’
Sa eksklusibong pakighinabi usab sa Bombo Radyo Butuan, gipadayag ni Macas nga nakita pa niyang nakahuman na sa unang round sa sparring session si Tuklaw pinaagi sa ka-ubanan niining boksingero nga si Carl Balingan apan wala pa kini makontento ug gipamugos na usab ang ka-ubanang si Renald Alcala nga makig-light sparring kaniya aron ma-andam lage sa away niini karong Mayo.
Dihang nahuman ang unang round, mi-inom matud pa og tubig si Tuklaw ug adiser magsugod ang second round, subli na usab kining mi-inom og tubig.
Dinhi na matud pa kini natikluhod nga naka-istorya pa apan dihang misulay na kini pagtindog, dinhi na siya nalup-og ug ila nang gitabang.
Miha-um ang pagtuo ni Macas nga ang nahitabo kang Tuklaw, mugna sa pag-inom niya og daghang tubig taliwa nga gikan pa siya sa subsob nga pagpasingot.
