BUTUAN CITY – Malampusong gi-ablihan pinaagi sa maanindot nga seremonya ang Caraga Regional Athletic Games 2026 kon CRAG sa Surigao City Sports Complex kaganing hapon sa Surigao City Sports Complex.
Ang maong seremonya gi-tambongan ni Undersecretary Malcom S. Garma, Undersecretary For Operation sa Department of Education kon DepEd inubanan sa mga opisyales sa Department of Education-Caraga, mga local og provincial government officials og mga atleta.
Sa pagpamulong ni Usec. Garma, gipasabot niini kung nganung wala makatambong si Secretary Sonny Angara dayung pagpasalamat sa tanang mga naglihok aron mahimong malampuson ang regional games.
Gigamit usab sa opisyal ang Agusan River aron ihulagway ang mga atleta diha sa ilang paglawig, pag-antos, og sakripisyo makab-ot lang ang ilang pangandoy sama sa Agusan River nga gikan sa kanunturan latas mga kumunidad hangtud nga nahimamat niini ang kadagatan.
Gigamit usab niini ang mga dagkong pangalan sa sports sama nila EJ Obiena, Carlos Yulo og Hydilyn Diaz nga nahimong inspirasyon sa mga atleta.
Tungod niini, gipaneguro sa opisyal nga anaa ang department of Education aron motabang sa mga atleta nga makab-ot ang ilang mga pangandoy.
Gipahibalo usab ni Garma ang mga inisyatiba aron mapakusgan pa ang sports sama nalang sa School Sports Program nga gilusad aron maseguro nga dunay pisikal nga aktibidad sulod sa tunghaan.
Padayon usab nga nakig-alayon sila sa Philippine Sports Commission aron ilusad ang Grassroots To Gold Program diin dunay himoon nga talent identification bisan sa Grade level palang.
Nagpaabot usab kini sa kahinam sa ilusad nga Palarong Pambansa 2026 sa Agusan Del Sur diin sa maong higayon dunay mga bag-ong polisiya nga ipatuman.
Gitumbok niini ang Play For Home Region Policy diin ang mga atleta nga nakatungha sa kauluhan pwede nilang paulion aron magrepresentar sa ilang rehiyon.
