BUTUAN CITY – Nagtoo si Solicitor General Menardo Guevarra nga ginalantaw ug gitun-an na sa International Criminal Court ang mga impormasyong nakuha sa imbestigasyon sa House Quad Committee.
Sumala ni Guevarra, taliwala nga gibarugan sa kagamhanan sa Pilipinas nga wala niini giila ang hurisdiksyon sa ICC, posible matud pang ikonsidera sa international body ang mga bag-ong nanggawas nga impormasyon, ug gitigom usab kini arun ilang magamit sa kaugalingon nilang imbestigasyon.
Posible usab nga istoryahon sa ICC ang pipila sa mga testigo, via online. Sigon ni Guevarra, insakto matud pa ang lakang sa kagamhanan sa wala pagsubmite og mga impormasyon ug report ngadto na sa ICC kabahin sa war on drugs nga gihisgutan karon sa Kamara.
Sumala sa maong opisyal, wala’y obligasyon ang Pilipinas nga mosubmite og mga report ngadto na sa international body.
Pasabot pa ni Guevarra, nga ugaling mang-ipit ang ICC nga gamiton niini ang mga impormasyong ninggawas sa pagdungog sa Quad Comm, ilabina nga abli kini sa internet, mahimong dakong hagit kanila kung unsaon nila pagpa-authenticate niini ilabina sa paggamit niini sa sa pormal nga pagtaral.
