BUTUAN CITY – Kabado na karon ang mga mga illegal migrants sa Estados Unidos sa pormal nang paglingkod ni President Donald Trump human ang iyang inagurasyon kagabii, oras sa Pilipinas.
Kini tungod sa baruganan niini nga ipatuman gayod ang tanan niyang gisaad panahon sa campaign period ilabina niadtong mga langyaw nga nangabot sa Amerika sa ilegal nga paagi.
Sigon ni Bombo international correspondent Irene Calundre, taga-Butuan ug usa na ka American citizen, si Trump ang iyang gibotaran tungod sa pagka-Diyosnon matud pa niini ug sa tinguha nga unahon gayod ang kaayuhan sa mga Amerikano, base na sa gihikyad niining mga plata-porma ilabina alang sa mga trabahante.
Gikalipay nila ang nabaani-og karon nga dili na buhisan ang sweldo sa mga trabahante nga mag-overtime sa ilang trabaho.
Sa pagkakaron, nag-obserba pa ang tanan sa mga kasikas sa kadumalahan ni Trump ilabina nga dakong hagit ang natigayong wildfires sa California nga naka-apekto sa lilbuang mga residente.
