BUTUAN CITY – Gipadayag ni Department of Justice Secretary Jesus Crispin Remulla nga ilang tubagon ang gipagawas nga direktiba sa Office of Ombudsman kansa tubag sa gisubmite ni Senadora Imee Marcos nga chairman’s report sa Senate Committee on Foreign Relations may kalabotan sa pagdakop kang kanhi Pangulong Rodrigo Duterte sa The Hague tungod sa kasong crime against humanity nga may kalambigitan sa iyang kampanya kontra iligal nga droga.
Apil sa gipatubag sa Ombudsman sila Justice Secretary Boying Remulla, Interior Secretary Jonvic Remulla, Philippine National Police Chief Gen. Rommel Marbil, CIDG Chief Gen. Nicolas Torre III, ug Special Envoy Markus Lacanilao.
Sa eksklusibong pakighinabi sa Bombo Radyo Philippines, gipadayag ni Justice Secretary Remulla nga andam silang tubagon kini sulod sa napulo ka adlaw aron mapadayag ang ilang panig.
Samtang gitirahan usab niini ang lakang ni Senadora Imee Marcos pagduso og reklamo sa Ombudsman.
Gibutyag niini nga gusto lang matud pa sa senadora nga makakuha og ‘publicity’ ilabina nga panahon karon sa eleksyon.
