BUTUAN CITY – Igo na lang sa pagpatulo sa luha, pagpangurog samtang ang uban wala na makatingog human gipangsikop sa ginsakpan sa Butuan City Police Stations 1, 2 ug 3 tungod sa paglapas sa health protocols.
Ning hapuna lang, gibana-banang 50 ka mga protocol violators ang gipangsikop tungod sa wala pagsuot og face mask, wala pag-, obserba sa social distancing, paggawas sa balay taliwa nga dili pa nila eskedyol sa base sa nakalatid sa ilang home quarantine pass.
Sigon ni PMajor Renel Serrano, information officer sa Police Regional Office-13, kini isip pagsunod sa kamanduan sa lokal nga kagamhanan nga tinud-on ug mas pahugtan pa ang pagpanikop tungod sa nagkataas nga local transmission sa COVID-19.
Nasayrang ang mga nadakpan, gidala sa City Sports Complex sa Brgy. Libertad, gipa-ilalom sa profiling, gikuhaan og hulagway, gipa-ilalom sa orientation ug gipamulta og P1,00.00
