BUTUAN CITY – Misaad ang bag-ong regional director sa Police Regional Office kon PRO-13 nga si P/Chief Supt. Noli Romana nga pangandaman ang dakong hagit nga nagpaabot sa iyang bag-ong katungdanan.
Human sa turn-over ceremony kagahapon, gibutyag ni Gen. Romana nga muhimo siya ug review og imbentaryo sa ilang ginsakpan og mga ekwipo aron ma-assess kung asa na ang kapasidad sa kapulisan ning rehiyon diha sa pakig-gubat.
Tumong usab niini nga masuta kung asa na ang na-abot karon sa PRO-13 og kung asa ang padulngan niini sa umaabot nga panahon.
Aminado kini nga duna’y daghang pagsulay ang atubangon sa Caraga ilabina kay gideklara na ni Pangulong Rodrigo Duterte ang hingpit nga pagputol sa hinabing pangkalinaw ngadto sa New People’s Army kon NPA, hinungdang kinahanglan protektahan ang katawhan.
Nagpasabot matud pa kini sa ilusad nga daghang mga combat operations batuk sa rebelde.
Kini usab ang rason sa daghang inspections nga gihimo sa PNP aron maseguro updated ang Caraga Police sa kapasidad uban sa pakig-alayon usab sa militar.
Nasayrang gikan sa Crimimal Investigation and Detection Group kon CIDG Si Gen. Romana isip Deputy Director for Administration og kanhi usab Cebu City Police director.
Samtang si P/Chief Supt. Rolando Felix, mamahimo na usab nga hepe sa Directorate for Integrated Police Operations sa Visayas area partikular sa Regions 6 og 7 apan sa muderetso una siya sa Kampo Krame. (Rolan Janea)
