Mga gov’t officials nga kalit mawala karong nakabalik na si Alice Guo sa nasud, gipatutukan

BUTUAN CITY – Gipatutukan na ni Quezon 3rd district Rep. Reynante Arrogancia sa Department of Justice (DOJ) ang mga public officials nga mag-resign o kaha mag-leave og kalit, karong anaa na sa mga otoridad si Alice Guo. 

Nagtuo si Arrogancia nga duna’y mga public officials nga mitabang sa grupo ni Guo aron  makasibat sa Pilipinas ug posibleng gitun-an na ang pagbiya sa pwesto, kalit nga pagkawala, o mag-AWOL kon absence without official leave apil na ang posibleng pagsibat. 

Nagtuo ang House Committee on Public Order and Safety vice chairperson nga ang kalit nga mawalang pipila ka mga opisyal sa gobyerno, posibleng magpasabot nga nahadlok sila sa mga posibleng isulti o kaha himuon ni Alice ilabina karong nakabalik na kini sa nasud.