BUTUAN CITY- Obligado nang magpakita og negative result sa RT-PCR test ang tanang tao nga maggikan sa Dinagat Islands province adiser makasulod sa probinsya sa Surigao del Norte.
Kini human gipagawas sa buhatan ni Surigao del Norte Governor Francisco Lalo Matugas ang Fourth Supplement to Executive Order No. 21-010, series of 2021 subay na sa press release sa DOH-Caraga Region sa mga COVID-19 variant of concern cases nga na- detect sa rehiyon.
Madumduman, adunay na-detect nga unom ka confirmed B.1.351 cases ang probinsya sa Dinagat Islands kansa na-discharged na gikan sa ilang mga isolation facilities human nakakompleto sa gitakdang quarantine period.
Samtang ubos sa bag-ong Supplemental EO ni Gov. Matugas, kinahanglang magpakita og negatibong resulta sa RT-PCR test nga gikuha sulod sa 48 hours ang mga gikan sa Dinagat Islands adiser makasulod sa probinysa.
Kinahanglan usab nga magpakita og post-antigen test ang mga turista ug private APORs gikan sa Province of Dinagat Islands ingon man kadtong mga gikan sa ubang lugar nga gawas sa Surigao del Norte human ang lima ka adlaw gikan sa pag-abot nila sa maong probinsya.
