BUTUAN CITY – Nagpahimangno karun ang South Cotabato PNP sa pagpanguna ni Police Colonel Joel Limson sa mga frontliners sa KAPA ug uban pang investment scams nga padayon nag-recruit sa publiko bisan og gipasira na ug nagpagawas na og stoppage order ang korte batuk sa iligal nga operasyon sa mga niini.
Sa pakighinabi sa Bombo Radyo Koronadal kang Col. Limson, gibutyag niining padayon ang ilang monitoring sa lihok sa mga affiliates sa KAPA nga padayong naghatag og sayop nga impormasyon aron ma-agni ang mga miyembro ug naglaum nga makabalik pa ang ilang aktibidad ilabina na sa pag-invest sa kwarta.
Aminado si Col. Limson nga base sa ilang monitoring daghan pa gihapon ang nailad ug padayong naglaum nga makakuha pa og kwarta gikan sa nasangpit nga investment scam.
Bisan paman niini gipaneguro ni Col. Limson nga walay transaksyon sa KAPA may kalabutan sa kwarta ang nahitabo sa kasamtangan.
Alayon niini gipasidan-an ni Limson ang mga frontliners nga padayon sa pagpangilad nga manubag sila sa balaod.
