BUTUAN CITY – Bahinon sa tulo ka adlaw ang pagtupok sa Sinovac COVID-19 vaccine ngadto sa kapin 370 ka mga healthcare frontliners sa Butuan Medical Center nga gisugdan na ning adlawa sa FSUU Morelos Campus.
Sa eksklusibong pakighinabi sa Bombo Radyo Butuan, gipadayag ni Butuan City administrator Rey Desiata nga 100 ka mga healthcare frontliners ang target nga tupukan karong adlawa ug tungaon na ang uban alang sa musunod pang duha ka mga adlaw aron malikayan ang panagtapok.
Giklaro niini nga ang maong ihap, pulos lang gilangkuban sa mga healthcare workers ug wala pa’y labot ang mga admin staff nga nalista sa ikaduha nga priority list.
Gikan usab sa kapin 370 nga nalistang tupukanan, as of kagahapong adlawa, 190 pa lang ang mi-signify nga magpabakuna tungod kay ang uban duna’y medical condition rason nga dili tanan sa maong target ang matupukan sa maong eskedyol. (
Target matud pa sa city government nga mabakunahan ang siento-porsento sa populasyon ilabina kadtong wala’y comorbidity ug kamatu-uran niini, ang pagpalit na daan sa 30-porsiento gikan sa 70-porsientong gi-alokar sa nasudnong kagamhanan alang ning siyudad. Gila-uman sa opisyal nga musunod gilayon ang ipadalang ikaduhang hugna sa maong bakuna alang sa 70-porsiento sa target population nga tupukan niini.
Apan kung unang muabot ang gi-order sa city government nga AstraZeneca vaccine, sundon gihapon nila ang mga anaa sa priority list nga gihatag sa nasunong kagamhanan.
